Izbjeglica u ormanu pronašao 150.000 eura i predao ih vlastima

Izbjeglica iz Sirije, koji je prošle godine došao u Njemačku, pronašao je u starom ormanu koji je dobio od jedne humanitarne organizacije 150.000 eura koje je vratio vlastima, saopštila je danas policija.

Sirijac, čije ime nije objavljeno, pronašao je 50.000 eura u kešu, kao i štedne knjižice na kojima je bilo više od 100.000 eura, skrivenih u ormanu.

On je taj orman dobio od jedne humanitarne organizacije koja je obezbijedila namještaj za izbjeglice, prenijela je agencija AP. Policija njemačkog grada Minden je saopštila da ljudi redovno vraćaju manje količine novca, ali da je “ovolika suma apsolutni izuzetak”.

Sirijac je u Njemačku došao kao izbjeglica prošle godine u oktobru.